Menu

Chroniques de l’éveil de P.-A. Tâche

Les Chroniques de l’éveil, 2001 veröffentlecht, enthalte drei Bänd vom Pierre-Alain Tâche, wo by den éditions de l’Aire erschine sy: Le Jardin du Midi u Temps sauvé (1984), Le Mensonge des genres (1989) u Jour après jour (1993). Das poetische Triptychon markiert e wichtigi Etappe im Wärch vo däm Schriftsteller. Vertieft wird d Frag vor Beziehig vo der Poesie zur „Gägewart“ verfolgt, wo bezeichnend isch für ne nid unwichtige Teil vo der zytgenössische Poesie. Les Chroniques züge bsunders vore unmittelbarere Anächerig a ds Reale u Alltägleche als i de vorhärige Büecher u o vore raffinierte Awändig vo der formale u thematische Variation. Si gä der Bedütig vom Ougeblick (als Kontrapunkt zu öppis Realem, wo üs entgeit) e nöji Perspektive – je nach Band uf verschidnigi Art – u o vom Ort (woby d Müglechkeit vor Poesie, i der Wält deheim z sy, befragt wird). Einzigartig isch i de Chroniques de l’éveil der Versuech, Rächeschaft dervo abzlege, wi d Wält u d Tage gwobe sy, geduldig der Fade wider ufznäh u trotz allem zur poetische Vision, wo geng gfährdet isch, sech bim Schrybe z verfyschtere, Vertroue z ha.