Charles-Albert Cingria
Der Charles-Albert Cingria het sech gärn als «Konstantinopolitaner, d.h. Italo-Franco- Levantiner» bezeichnet. Vom Vatter här chunt er us Ragusa usere ryche Familie us em Osmanische Chünigrych, d Mueter stammt useren alte polnische Familie. U glych isch er e Schwyzer Schriftsteller, gebore u gstorbe z Gänf (1883–1954), het z Fryburg gläbt u mängi Reis i verschidnegi Regione vo sym Land gmacht. Er het lang z Paris gläbt, wo ner dank der Fründschaft zum Jean Paulhan zumene wichtige Mitarbeiter vor Nouvelle Revue française während der Zyt zwüsche de beide Wältchriege worden isch. Als Outor vo drei Monografie über Kunscht u Gschicht vom Mittelalter (La Civilisation de Saint-Gall, 1919; Pétrarque, 1934; La Reine Berthe, 1947) isch er vor allem en unerreichte Chronischt, wo ne einzigartigi u hüüfig widerspänschtigi Art gfunde het, «nume vo däm z rede, wo existiert». Sys Œuvres complètes, wo z erschte Mal by L’Age d’Homme vo 1967 bis 1981 veröffentlecht worden isch, chunt jitz no einisch im glyche Verlag mit emene kritischen Apparat use, wo der brillante u usschweifende Glehrsamkeit vom Outor grächt wird.
-
Ch.-A.Cingria
