D Christine Arnothy, Outorin vomene Chriegstagebuech, wo si im Alter vo füfzähni imene Chäller z Budapest gschribe het, u wo i de Jahr 1944–45 zwüsche d Fronte vo de Russe u de Dütsche graten isch, seit: „I bi ohni Wurzle gebore worde. I bi es Konzentrat us Zentraleuropa, eini, wo us füf Ethnie zämegsetzt isch. Der Vatter en öschtrychisch-ungarische Aristokrat, d Mueter us ere jüdische Grossfamilie us Polen, der Grossvatter e Dütsche. Di soziali Situation vo myre Familie het mer d Pflicht uferleit, mi gäge d Geschicht z räche. I ha vo myre Mueter als erschti Sprach Französisch glehrt. Syt mym nünten Altersjahr isch mys einzige Läbesziel ds Schrybe. J’ai quinze ans et je ne veux pas mourir isch der vollständig, im Chäller im Cherzeliecht entstandnig Text. Dreiedryssg Romän sy nachecho, Gschichte, wo sech zwüsche Los Angeles u Nairobi abspile, für nume zwo vo de wichtigschte Stedt vo mym Läbe z erwähne. I ha Frankrych als my Heimat gwählt. I ha uf Amerika verzichtet us Liebi zumene grosse Franzos. Ds Schryben isch mys Läbe, i mynen Adere fliesst französisches Bluet.“