Michel Probst, Präzident
-
Der Michel Probst am 29. Dezember 2017 vor de Wöschhüser z Coeuve us em XVIII. Jahrhundert (renoviert es erschts Mal 1894 u 1999 es zwöits Mal, uf Initiative vom Michel Probst sälber).
Gebore 1960, het der Michel Probst 1980 ds Diplom als Pädagog übercho; 1993 het er a der Universität Bern mit em Post Master i Bildender Kunscht und Kunschtgschicht abgschlosse. 1986 isch er als jüngschts Mitglid i ds jurassische Parlamänt gwählt worde, bis 1995, u no einisch vo 2002 bis 2006 als Präsidänt vo der Liberale Partei. Bi de Wahle vo 2006 isch er zum Minischter vor jurassische Regierig gwählt worde u het d Diräktion vom Departement für Wirtschaft, Kooperation u Gmeinde überno. Er het d Regierig 2009 u 2013 präsidiert u o d Weschtschwyzer Regierigskonferänz u isch Vizepräsidänt vor Konferänz vo de Kantonsregierige gsi. Er het o zwe Musig- u ne Theater-Verein präsidiert. Sythär isch er Verwalter vom EuroAirport vo Basel-Mühlhausen-Freiburg u vo der Bürgschaftsgnosseschaft für KMU Burgdorf, Senior Consultant bi der Mundi Consulting AG z Bern u Mitglid vom Stiftigsrats vor Stiftig Anne u Robert Bloch z Delsberg.
