Thierry Béguin
Anwalt, ehemalige Neuenburger Staatsrat, ehemalige Staatsanwalt.
Di französischi Sprach isch my Geliebti. Vilicht git’s schöneri. Das isch nid wichtig. I chume nie gnu über vo ihrer Musig, wo kener Note bruucht für chönne z singe. Masslosi Liebi, körperlech u seelisch... Wen i se gseh, wen i se rezitiere, wen i se ghöre, dringt si düre kompakt Humus vo myre mönschleche Verzwyflig u toucht i Fluss vo myre Seel. I dere Toufi, wo geng wider nöi aafat, chan i d Idee vom Glück usegspüre, un i mues se nume no a nes Ärfeli näh für d Wält z begryfe.
-
Th. Béguin
Der Thierry Béguin, 1947 z La Chaux-de-Fonds gebore, het am Institut catholique de Paris Literaturwüsseschaft u a der Universität Neuenburg vo 1967 bis 1973 Rächtswüsseschaft gstudiert. 1974 als Notar patäntiert, fat er sy Karriere i der Magistratur vo der Neuenburger Justiz aa, zersch vo 1975 bis 1980 als Untersuechigsrichter u vo 1987 bis 1999 als Generalstaatsanwalt. Vo 1987 bis 1999 isch er Mitglid vom Ständerat u vertritt d Schwyz by de parlamäntarischen Instanze vo der Frankophonie. 1997 wird er i Staatsrat gwählt u leitet ds Département de l’Instruction publique et des affaires culturelles während zwone Legislature. Als Delegierte vo der Schwyzerische Konferänz vo de kantonale Erziehigsdiräktore (EDK) begleitet er d Bundespräsidänte a d Gipfle vo de Staats- u Regierigschefs vo der Frankophonie. Er isch gägewärtig Präsidänt vo mehrere kulturelle Institutione, u.a. vom Institut neuchâtelois.
