Patrick Amstutz, Diräkter
Attaché de recherches vo de Universitäte Fryburg u Paris-III, Kommissionspräsidänt.
Ds Französisch vo Afrika, ds amerikanische Französisch, ds karibische u asiatische Französisch, das vo Europa oder vo Ozeanie – wi sölle mer imene Meer vo anderne Sprache d Sprach rede, won is imene Land i d Wiegle gleit worden isch, wo nümm würklech ihres isch? Wi sölle mer d Sprach rede, wo derzue chunt u won is jede Tag uf d Wält bringt un is uf di glychi unerbittlechi Wys i d Fyschteri vo üsne Unzuelänglechkeite zrügg gheit? U wi chönte mer das säge, was ohni sii nid a ds Liecht chämt u wo di alltäglechi Vorussetzig für üsi Freiheit isch?
-
P. Amstutz
Der Patrick Amstutz, 1967 z Biel gebore, het der humanistisch Lehrgang am französische Gymnasium z Biel (Latynisch–Griechisch) abgschlosse u a der Universität Freiburg (französischi Literatur, romanischi Philologie, Linguistik, latynischi Sprach u Literatur, griechischi Sprach u Literatur: 1995 Prys vo der Société Université et Recherche et du FNRS) u a der Sorbonne Nouvelle (Diplomstudie 2000) gstudiert. Als Attaché de Recherche vo dene beide Universitäte isch er fasch es Jahrzähnt lang mit Kurse zum Thema Literature i französischer Sprach a der Universität Freiburg beuftreit gsi. Vo 1996 bis 1998 het er a Projekt vo der Délégation à la langue française (DLF / CIIP) mitgschaffet. Derzue het er d Kommission für französischsprachigi Literatur vom Kt. Bern (Gründig vom Prix Renfer im Jahr 2007) präsidiert. Hütt isch er o no Präsident vo der Commission francophone des affaires culturelles générales u präsidiert d Commission culturelle interjurassienne mit.
