Théoda de Corinna Bille
Vo sym Erschyne 1944 aa isch der erscht Roman vor S. Corinna Bille, Théoda, als wärtvolls literarisches Wärch begrüesst worde. Er isch mehreri Mal nöi ddruckt, nächär i verschideni Sprachen übersetzt worde. D Handlig vo Théoda spilt 1842 imene archaische Land, wo d Rhone dürefliesst. D Gschicht vom Verbräche (e Maa wird vo syre Frou u zwe Komplize ermordet) chunt i de Chronike vor Epoche vor. Di Intrige, wo uf ere wahre Begäbeheit ufbbout isch, isch aber nid ds Wäsentleche: Es isch nid nume di fyschteri historischi Anekdote, wo d Corinna Bille interessiert, sondern o d Beziehig zwüsche der Théoda u der Marceline. Théoda, di unabhängigi Frou, wo us emene andere Tal chunt, u d Marceline, di jungi Bürin, wo verzellt, was si gseh het u was si gseht: di lydeschaftlechi Verbundeheit vo zwöine Wäse, wo sech gärn hei, d Sitte u Brüüch ufem Land, d Arbeit i de Wybärge u uf de Fälder oder o di religiöse Fescht. Das Buech verbindet so ne literarischi Koschtbarkeit mit wärtvolle historische u ethnografische Ufzeichnige.
-
Théoda-1-2
