Frédéric Rossi
-
Frédéric Rossi
Gebore 1962 z La Chaux-de-Fonds, het er a der Universität Genf, nächär a dere z Lausanne Geischteswüsseschafte (klassischi Archäologie, Gschicht, mesopotamischi Zivilisation) studiert. 1987 het er mit em Laurent Flutsch un em Daniel Castella zäme d Firma für archäologischi Untersuechige Archeodunum AG i ds Läbe grüeft, wo 2006 ihri Aktivitäte uf beidne Syte vor französisch-schwyzerische Gränze erwyteret het. Im Jahr 1999 het er ds Verlagshuus Infolio gründet. Nüün Jahr speter wird der Archäolog-Verleger Präsidänt vom Syndicat français des professionnels de l’archéologie (SNPA) u steit a der Spitze vor präventive Archäologie. 2010 organisiert er z Morges (Schwyz) mit Buechhändler- u Verlegerkollege ds erschte Festival, wo ganz den Outore gwidmet isch, «Le Livre sur les Quais». Er het Archéologie en terre vaudoise (Infolio, 2009, mit G. Kaenel u L. Flutsch) useggä u o Quel est le salaud qui m'a poussé ? Cent figures de l'histoire suisse (Infolio, 2016, mit em Christophe Vuilleumier).
