Sammlig
Der unabhängig Herusgäberverein ACEL (Association pour une collection d’études littéraires : Verein für ne Sammlig vo literarische Studie) förderet mit der nöie Sammlig „Le cippe“ (der Gedänkstei) der Zuegang zum ryche schwyzerische u französischsprachige literarische Kulturguet. Die Sammlig hilft der breite Öffentlechkeit u de Studierende, Amateure u Profässore, e Zuegang zu dere Literatur us verschidnige Blickwinkle zu finde – uf ene interkulturelli Art, wo d Gnauigkeit vor Information u o ds Läsevergnüege ygschlosse sy.
Ir Antike isch so ne Gedänkstei e chlyni, abgstumpfti Süüle gsi, wo als Gränzstei, als eifachi Stütze oder als Dänkmal het chönne diene. Vo dört här chunt der Name vor Sammlig „Le cippe“, wil jedi Publikation e willkommeni Hilf isch, e Pouse zur Erholig u Ufklärig uf em abentürleche Wäg vo de Läserinne u Läser u o ne diskreti Hommage a d Outore, wo’s betrifft.
