La Beauté sur la terre
Schrybe im Jahr 1927, e Mythos vo der Schönheit, ohni d Ufer vom Gänfersee z verlaa: sech vo de Figure u Legände vo der klassische Antike la inspiriere, aber e ganz moderni Form vom Verzelle aawände; d Erwartige vo Liebhaber vo „wältsche Erzählige“ hintergah: so vil z wage, wi der C.F. Ramuz das i La Beauté sur la terre macht. D Wett isch gwunne: Mit däm atypische Wärch setzt der Schriftsteuer d Arbeit vo der Ernöierig vom Genre Roman u di stilistischi Erfindig, won er sech dermit syt syne Aafäng beschäftiget, wyter. D Gschicht vo der Juliette, ere junge Kreolin, wo uf Waadtländer Bode glandet isch, wird so bim Ramuz zure Fable über d Beziehig zwüsche der Kunscht und em Läbe.
