Georges Schehadé
Les Poésies von Georges Schehadé biete imene schmale Band es halbs Jahrhundert Schrybe (vo 1938 bis 1985). I dene Gedicht chunt e Stimm zum Usdruck, wo i ihrer natürleche Schönheit u fragile Klarheit einzigartig isch, eini, wo vom Libanon uus, wo se inspiriert het, der Saint-John Perse genau glych wi der Supervielle oder d Surrealischte bezouberet het. E Stimm zwüsche zwene Ufer, gfange zwüsche uraltem Bode u moderner Desorientierig vo der poetische Landschaft, zwüsche Chindheitstroum u Vergänglechkeit, zwüsche Exil un em Verspräche vomene nöie Aafang. E Stimm, wo im Theater vom Schehadé es koschtbars Gfäss nach Mass fingt, für drin der Troum vomene ganz nöie Früelig chönne ufzbewahre.
