Charles Forsdick
Der Charles Forsdick isch 1969 in West Runton z Norfolk, im Oschte vo Ängland, gebore. Nach em Studium vo moderne Sprache z Oxford het er e Dokterarbeit über en Exotismus z Lancaster gschribe. Er het 6 Jahr als Französischlehrer z Glasgow verbracht u isch im Alter vo 31i James Borrow Professor of French a der Universität Liverpool worde. Sys erschte Buech, Victor Segalen and the Aesthetics of Diversity, isch 2000 i de presses universitaires vo Oxford erschyne. Sythär beschäftiget er sech vor allem mit moderne u zygenössische Reiseerzählige, wi syner letschte Publikatione zeige: Travel in Twentieth-Century French and Francophone Cultures (2002) u New Approaches to Twentieth-Century Travel Literature in French (2006). Näbe vilem andere beschäftiget er sech wyter mit de Theme Reise, Poschtkolonialismus, ds Gedächtnis vom Kolonialismus u de Antillen.
-
Ch.Forsdick
