Blaise Cendrars
Der Blaise Cendrars (1887–1961) isch e Symbolfigur vor moderne Reiseliteratur, e nostalgische Globetrotter zwüschem «Ich» u em «Andere», wo Schrybe u Läbe nid z trenne sy. Sys Wärch, wo glych rych, unusggliche u wächselhaft isch wi sys Läbe, laat sech la ufteile i Gedicht, Erzählige, Romän, Reportage oder Outobiografisches. D Gränze zwüsche Länder u literarische Genres sy drin usglöscht; es git drin gheimi Verletzige, Spure vo de Reise vom Outor u settigi vo synere Lektüre. Gschribe inere ryche, sinnleche Sprach, wo us der literarische Tradition, em Chino, der moderne Dichtig, de verschidenschte Brüef oder Künscht schöpft. Sy Name, us Gluet u Äsche zämegsetzt, treit der Phönix im Wappe. Der Cendrars ziet der Läser inere unändleche Bewegig mit uf d Suechi nach syren eigete Identität vo der ganze Wält i ds Härz vor Wält.
-
B. Cendrars
