Corinna Bille
Für d S. Corinna Bille (1912–1979) het ds Schrybe meh als es Düreschnuufe bedütet: e Verpflichtig un es Sichbewähre. Ihres Wärch isch e rychi Usläsi us füfzg Publikatione i de verschidenschte Genres u für nes gmischts Publikum: Gedicht, Theaterstück, Erzählige, Churzprosa. Ihri Büecher erforsche e sehr persönleche Wäg zwüsche Outobiografie u Fiktion, zwüsche Usharre am Ort un em Wunsch «dörthäre z gah, wo me nid häregeit». O we d Romän u d Erzählige hüüfig ir Heimat, d.h. im traditionelle Wallis aagsidlet sy, wird der Läser zure ständige Entdeckigsreis in e frömdi Wält yglade, wo Würklechkeit u Troum äng inenand übergö. D Corinna Bille het en usprägte Sinn für ds Formale vom Verzelle u lat en einzigi Stimm la rede, wo dene, wo re zuelose, es bsundrigs Läbesgfüel git.
-
C. Bille
